GAM están formados por persoas que consideran a diversidade mental como un aspecto máis da nosa identidade, que traballan xuntas para aumentar o benestar e as posibilidades de recuperación das persoas que sofren por causa da perda de saúde mental.

Pensamos que o apoio humano é moi necesario.
Queremos:
• Ofrecer respaldo mutuo entre as persoas que forman o colectivo DIME.
• Chegar a outras persoas que se atopen en situación de desamparo, maltrato ou marxinación.
• Promover e fortalecer o movemento asociativo entre as persoas con Diversidade Mental.
• Promover a realización de grupos de axuda mutua en saúde mental.
• Realizar cursos de formación e empoderamento para as persoas con Diversidade Mental, familiares e calquera outro colectivo que estea interesado.
• Ofrecer esperanza e axuda na recuperación ás persoas que agora mesmo están atravesando un periodo complicado.

Dos GAM poden beneficiarse:

• Persoas con experiencia en perda de saúde mental.
• Persoas ingresadas en centros que necesiten apoio e acompañamento.
• Familiares e achegados de persoas que sofren pola diversidade mental ou episodios de perda de saúde mental.
• Todas as persoas da sociedade, posto que o coñecemento das particularidades das experiencias destas persoas serviranos para enriquecernos en factores humanos de gran valor como a solidariedade e a empatía.