Obxectivos e actividades

O programa “unha boa morte para todos” é un conxunto articulado de actividades que sirven de apoio ás persoas que se atopan na etapa final das súas vidas e ás súas familias, para engadir calidade e, na medida do posible, alivio, no proceso de morte e dó.
 
Así mesmo, o programa pretende achegar á cidadanía en xeral as ferramentas informativas, formativas e asistenciais que contribúan a manter e protexer a súa propia autonomía persoal nun futuro, pero certo, final da vida.

 

Obxectivos específicos

Garantir unha morte de calidade para todas as persoas, identificando e respectando o que cada un/unha considere como tal para si mesma. Ser receptivos/as ás necesidades que aparecen ante a presenza da morte e responder a ela con solucións personalizadas e eficaces para cada caso. 

Aliviar os sufrimentos que poidan supoñer os procesos de morte e dó.

Axudar a comprender e integrar o proceso que se está a vivir. 

Posibilitar a permanencia das persoas enfermas terminais ou con perspectiva de morte na súa contorna de convivencia habitual. Retardar ou evitar a institucionalización.

Garantir a autonomía das persoas na última etapa da vida. 

Axudar ao entorno familiar a afrontar o proceso de morte dun membro da familia. 
Aliviar ás persoas coidadoras de enfermos terminais
Normalizar o debate cidadán sobre a morte e crear grupos de autoaxuda, debate e compartición de experiencias.
Empoderar á cidadanía nos aspectos referentes ao tratamento da súa morte, como principal ferramenta para garantirlle a autonomía persoal na etapa final da súa vida.
Axudar a cumprir as últimas vontades con respecto a soños e desexos das persoas que afrontan o final da vida. Axudar a rematar as cousas pendentes da persoa que se vai e pechar círculos.

Actividades
A actividade que vai desenvolver a Fundación Eomaia estará cuberta tanto por persoas que forman parte da fundación como de persoas contratadas, todas elas cunha formación cualificada para cubrir as demandas ás que teñamos alcance. 
Formamos parte dunha poboación envellecida e as actividades están pensadas para que cando se realicen sexan para proporcionar alivio e mellorar a vivencia da morte tanto para a persoa que morre como para a súa contorna. 
Os servizos de acompañamento cubrirán as areas de:
Información
Formación
Acompañamento na morte.

Seminario Morte Perinatal

Seminario Morte Perinatal

Jillian Cassidy, cofundadora e presidenta da Fundación Umamanita e coautora da “Guía para la atención a la muerte perinatal y neonatal”,  impartirá un seminario sobre o tema deste título, o 21 de novembro vindeiro entre as 10 da mañá e as 20 horas a través... leer más
Seminario sobre Documento de Instrucións Previas (DIP)

Seminario sobre Documento de Instrucións Previas (DIP)

O 18 de outubro de 2017, Raquel Freiría Mato impartirá un seminario sobre o DIP. Será en rúa Fontiñas, 27, en Santiago de Compostela. A data límite de inscrición, a través dos tfnos. 698 173 740, 881 973 068 ou ben no correo-e fundacioneomaia@gmail.com,  é o 16 de... leer más
Acompañamento na morte

Acompañamento na morte

Xornadas de reflexión e experiencia sobre a morte  e o acompañamento, o 18 de outubro de 17:30 a 19:30, e o 21  de novembro de 10 a 20 horas (xornada dun día completo), no local de Rúa Fontiñas , 27, en Santiago de Compostela. Na primeira data, sobre o Documento de... leer más
Share This