Seminario sobre Documento de Instrucións Previas (DIP)

O 18 de outubro de 2017, Raquel Freiría Mato impartirá un seminario sobre o DIP. Será en rúa Fontiñas, 27, en Santiago de Compostela. A data límite de inscrición, a través dos tfnos. 698 173 740, 881 973 068 ou ben no correo-e fundacioneomaia@gmail.com,  é o 16 de outubro.

A morte déixanos sen ningunha ferramenta posible cando a súa proximidade é certa, por iso pensar a morte, e buscar o xeito de decidir cal é a morte que queremos vivir na propia carne e como será para as persoas que nos queren, necesita dunha ferramenta que garanta que a nosa vontade vai ser respectada.

O Documento de Instrucións Previas é unha boa maneira de clarexar e deixar por escrito e en coñecemento de parentes e achegados cales son os nosos desexos e peticións para cando xa non podamos expresalos. Para realizar este documento, precísase de información, posto que ten puntos nos que reflexionar e pararse a entender para tomar a decisión que máis teña que ver connosco.

Neste seminario, teremos a posibilidade de ver este documento de preto, descubrindo e descubríndonos a carón da morte, da nosa boa morte.

O coñecemento das vías para deixar constancia da nosa vontade despois da morte son descoñecidas na poboación galega, esta é unha das comunidades da península onde menos Documentos de Instrucións Previas se realizan, na maioría dos casos debido a unha falla de información xeneralizada en todos os eidos.

É preciso entender que o Documento de Instrucións Previas non é un papel máis a cubrir e asinar, senón que é o resultado dun proceso previo de planificación e deliberación tras obter unha información axeitada, reflexionar sobre ela e comunicar as súas preferencias e valores persoais aos seus seres queridos, aos profesionais sanitarios e, de ser o caso, ao representante sobre cal ou cales son as nosas necesidades e desexos para acompañar a morte, cando, en moitos casos, non temos posibilidades de expresalo.

Será un seminario de 4 horas nas que, da man de Raquel Freiría, teremos a posibilidade de desenvolver este programa:

17:00 – 17:30 Presentación da poñente, das persoas asistentes e da xornada

17:30 – 18:40  Posta en común sobre que é para cada quen o bo morrer. Actividade interactiva.

18:40 – 19:00 Descanso

19:00 – 21:00 Aspectos prácticos, realización conxunta dun DIP a través do modelo propio e axuda dun power point.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Share This